Saimaster Forums  |  Acharya Ekkirala Bharadwaja  |  Shirdi Sai Baba  |  Books  |  Saibaba Magazine  |  Photos  |  Audio and Video  |  Contacts  |  Home

To Blossom Every Moment into a Better Manifestation of Perfection Is the Only Business of Life - Pujya Acharya Sri Ekkirala Bharadwaja

 
Saimasterforums - Daily Inspirational Quotes of Master Garu!!!        March 25, 2015 05 AM IST
జై సాయిమాస్టర్!

ఆధ్యాత్మిక పరిపూర్ణతయందు అభిలాష గలవారికి ఏ మార్గాన్నవలంభించాలా, ఏ మహాత్ముడు చెప్పింది, లేక ఏ మతం చెప్పింది
నమ్మాలా అని సందేహాలు కలుగుతుంటాయి. ఏ మార్గమైనా సరిగా ఆచరిస్తే ఒకే స్థితికి దారితీస్తుంది అన్న విషయం వివిధ మార్గాలలో
వివిధ మతాలలో కనిపించే మాహాత్ముల చరిత్రలలో నిరూపితమైంది. ఐనా కొందరికి ఈ సందేహం తీరదు. దీనికితోడు అన్ని
రంగాలలోనూ అవినీతి ప్రబలినట్లే ఈ రంగంలో కూడా సామర్ధ్యంలేని వారనేకమంది ప్రజలను మోసగించి స్వప్రయోజనాలను సాధించుకోవడం
చాలా విరివిగా జరుగుతోంది. ఇది చాలదన్నట్టు ఒక మహాత్ముని భక్తులు ఇతర మహాత్ములంతా దొంగలూ, వంచకులూ అని దుష్ప్రచారం
చెయ్యడం చాలా విరివిగా జరుగుతోంది. ఇవన్నీ కలిసి సత్యానవేషకుడికి ఎన్నో చిక్కులు తెచ్చిపెడుతున్నాయి. ఈ పరిస్తితులలో కబీరు,
రమణ మహర్హి, సాయిబాబా, రామకృష్ణ పరమహంస వంటి అనేక మహాత్ములు చెప్పిన ఒక్క సత్యం ఆశాజ్యోతిగా మెరుస్తుంది.
అన్వేషకుడి ఆర్తి తీవ్రమైనపుడు అతనికితగిన మార్గం చూపే మహాత్ముడు వారికి లభిస్తారు అని చెప్పారు. మహాత్ముల చరిత్రలలో
ఇటువంటి నిదర్శనాలెన్నైనా చూడవచ్చు. నా అనుభవంలో మాహాత్ముల చరిత్ర పఠన, వారి ఉపదేశాలను గూర్చిన చింతన, వారిని
ధ్యానం చెయ్యడం చాలా ప్రయోజనకారిగా కనిపిస్తూన్నాయి.

పరమ పూజ్య ఆచార్య శ్రీ ఎక్కిరాల భరద్వాజ గారి 'మతం ఎందుకు?',pg. 10&11. 

జై సాయిమాస్టర్!